استاد یحیی شیدا

آی آراز، بیر دالغا وور، دریا کیمی طوفان ائله

ظالمین ییخ قصرینی، اؤز باشینا ویران ائله

زوره محکوم ائیلهییب، ایندی طبیعت بیزلری

زور دئیهن جلّاد ایله، بیزلر آرا دیوان ائله

بیر هجوم ایله داغیت، شیطانلارین کاشانهسین

او فساد و فتنه قصرین، خاکله یکسان ائله

وئرمه امکان بوندان آرتیق هر شرفسیز انسانا

آز بو یولسوز کسلری، دل مولکونه سلطان ائله

تؤکدو ناحق، سئل کیمی، بیهوده قارداشلار قانین

کئچمیشی سال خاطره، بیر قانه یوز مین قان ائله

سو دهییل سندن آخان، قانه دؤنن گؤز یاشی دیر

بو اَسَف احوالی گؤر، طوفان قوپار، عصیان ائله


تؤکدو ناحق، سئل کیمی، بیهوده قارداشلار قانین

کئچمیشی سال خاطره، بیر قانه یوز مین قان ائله

سو دهییل سندن آخان، قانه دؤنن گؤز یاشی دیر

بو اَسَف احوالی گؤر، طوفان قوپار، عصیان ائله

بیر ـ بیریندن، سن بو قان قارداشلارین سالدین اوزاق

گل بو سرگردانلارین، هر موشگولون آسان ائله

بیر قیلیج تک اورتادان کسدین محبّت رشتهسین

آز بو مئیداندا شرارت مرکبین جولان ائله

قاضی اول، انصافه گل ، حکم زامان وئر تازه‌‌دن

غصب اولان تورپاقلاری، وابستةایران ائله

کؤکلهمه هجران سازین، دل سوزونو آرتیرما چوخ

وصلدن سال صحبتی، گل چارة هجران ائله

قارداشی ـ قارداشا چاتدیر، جانی هجراندان قوتار

بو آغیر بیر خستهلیکدیر، خستهیه درمان ائله

نه «شمالی »نه « جنوبی»؟ آت بو چیرکین سؤزلری

مولک ایراندیر تماماً، دونیایا اعلان ائله ( 1)

لعنت او شاهه کی، وئردی باده ملک ایرانی

یاده سالدیقجا او شاهی، لعن ائله، افغان ائله

فتحعلی شاه ائیلهدی، فاحش خیانت ایرانا

سنده خدمت گؤستریب، نقصانلاری جبران ائله

تورکمن چای پیمانی، بیر ننگ دیر تاریخده

عُرضهسیز شاهین ایشین دونیالره اعلان ائله

کئچدی اون یئددی شَهَر روسیّهنین چنگالینا

بو جنایاتی گتیر یاده، بوگون عنوان ائله

گولستان پیمانیدا سیندیردی ایرانین بئلین

بو ایشه باعثلره، یارب اؤزون دیوان ائله

گل گتیر بو ملّته آزادهلیک فرمانینی

ملک ایرانی صفاده روضة رضوان ائله

تهمت و تحقیر اوخو، هر سمتیدن یاغماقدادیر

سینهوی بیر داغ کیمی، بو اوخلارا قالخان ائله

یا اؤزون چک بیر کناره، غصب اولان مرزی گؤتور

یا ایکی روحو سازاشدیر، دللری شادان ائله

«شیدا» نین دائیم فراق یاردن آغلار گؤزو

گؤستر او شوخون جمالین، گول کیمی خندان ائله.

_________________

(1)            اشاره به تبلیغات بیگانگان است که بخشی از سرزمین جدا شده از ایران با انعقاد عهدنامه های گلستان و ترکمانچای را یعنی جمهوری آذربایجان را به علت مقاصد  سیاسی « آذربایجان شمالی ! » و آذربایجان ایران را « آذربایجان جنوبی ! » مینامند و از این عناوین جعلی ، مقاصد تجزیه طلبانه دارند. شاعر میگوید : « شمالی و جنوبی چیست ؟ این حرفهای چرکین را به دور انداز . همه این سرزمینها ، ملک ایران است و این را به صراحت برای جهان بازگو کن .»

سرزمینهای قفقازی ایران به علت قرار داشتن در منطقه شمالی فلات ایران  - قرار داشتن در شمال کشور ایران (پیش از اشغال ) - اطلاق ایران شمالی به این منطقه در کتب تاریخی و علل دیگر " ایران شمالی " نامیده میشود و این نام مورد پذیرش ایرانیان است . حتی بسیاری از شخصیتهای سیاسی کنونی ایران نیز با همین عنوان از سرزمین مورد نظر یاد کرده اند و اخبار آن منتشر شده است.