مئی ایچیب کئفلی اولماسان

حقیقتی دئمک اولماز.

کئفسیز، داماقسیز دونیانین

وار لذتی، دئمک اولماز.

 

سن قار اولدون، توپراقدا من

ساچیما یامان دوشدو دن

ایندی مین الینن اَلَن

طبیعتی دئمک اولماز.

 

سیلمه سن دیلدن قوباری

دانیش، اولسون گئجه یاری

دئسن، واردیر اعتباری

سؤز- صحبتی، دئمک اولماز.

 

دونیا باشدان- باشا سیردی

حوققادی، کَلک دی، فیردی

گؤردون کامانا دؤندردی

دوز قامتی، دئمک اولماز.

 

«چنگی» گون بوگون کو گوندو

باغینا بیر دورنا قوندو

اورک قوشو دؤندو، دؤندو

محببتی، دئمک اولماز.

 

سالام سایین یازیچی و شاعیر یولداشلاریم،

بو شعیری یازماقلا ساتیریک ادبیاتدا چالیشان دیرلی دوستوم گرگرلی آرازی(کئفلی ایسکندر) سیزه تقدیم ائدیرم. دوغروداندا رحمتلیک میرزا جلیل قلیزاده دن سونرا بو ادبیاتین یئری بوش گؤرونور.

کئفلی ایسکندرین وئبلاقینا باش وورون، و گؤزل یازیلاریندان ذووق آلین. ساغ اولون.

www.kefli.blogfa.com/

 حورمتله : رضا دهقان (چنگی )

حؤرمتله: رضا دهقان(چنگی)