این قطعه  شعر  با مختصر تغییراتی روی شعر زیبای عندلیب قره جه داغی که به همت استاد میرزا رسول  اسماعییل زاده ی  دوزال جمع آوری شده است  ، در وصف هادیشهر آماده گردیده ، امید که به پسندید .

هادیشهرین نه دئییم وصفی گلستانه ده یه ر ،

بیر عجب گوشه دی کی ، جنت رضوانه ده یه ر،

هردم ایلیس سفری هندو صفاهانه ده یه ر ،

 ائیله شاهدلری وار حوری و غلمانه ده یه ر،

 مختصر ، آب و هواسی بوتون ایرانه ده یه ر .

 

بوتون آرواد کیشی سی کان سخاوت ، نه ذئئییم.

یوخدو بونلار کیمی بیر مرد شجاعت ، ته دئییم.

گؤرمه دیم بیر بئله مردان عدالت  ، نه دئییم.

صاحب طبل و علم اؤزگه قیامت ، نه دئییم .

.شاعری کان هنر حافظ دورانه ده یه ر .

 

اؤز پناهینده گؤروم ساخلاسین اول حی معین،

یتمه سین قامتینه آفت دوران و زمین ،

طول وئرمک نه ضرر ، عرض ائدیرم مختصرین ،

اولا بیلمه ز بونا بیر کس کی ، نجابتده قرین،

رتبه و مرتبه سی خسرو و خاقانه ده یه ر..

 

سویی ترگان سویی ، داغدان گلیری ، آب حیات ،

رتبه و مرتبه سی جمله ده ن عالی درجات ،

سویی صاف ، ایچمه گه هر جرعه سی بیر آب حیات ،

طعمی خوش ، لذتی یاخشی ، مسئله ی قند و نبات ،

بوندان آرتیق نه دئییم چشمه ی حیوانه ده یه ر

 

جمله اؤغلانلاری نین بؤیلاری سرو و چمنی ،

گول کیمی نازک و زیبا چکیلیبدیر بدنی ،

کؤت و شلواری گئییب  گؤرسنیر آغ پیره هنی ،

یوزلری لاله تر ، یوخسا گول یاسمنی ،

 فی المثل ، پرتو مهرو مه تابانه ده یه ر.

 

نه دئییم آدینی ، سیز بو گلن اؤغلانه باخین،

عالمه شعله سالیبدیر ، مه تابانه باخین

، حسن و گلزار  ارم ، جنت رضوانه باخین ،

بنی آدم بو دگیل ، حوری و غلمانه باخین ،

 هر دؤنوب باخماغی یوز یوسف کنعانه ده یه ر.

 

دئسه له ر گرکی ، بو سؤزلر کیمین اندیشه سی دیر،

گرگرینین گولی تعریف ائله مک پیشه سیدیر،

اللری بس دئیه سن رندلرین شیشه سیدیر ،

 دل لری من کیمی بیر تشنه لبین توشه سیدیر،

،لبلرینین گهری ، لعل بدخشانه ده یه ر.