پارک کوهستانی در شب
شاه ایسماعیل و گول عذار داستانی کیتابیندان : یازانی : حسین ساعی جنابلاری)
------------------------------------
آهی زار ائیله دیم غم چکمه کؤنول
البت بیزیم جاندان یانانیمیز وار
اؤزو بیردی آدی مین بیر لا شریک
عالمی خلق ائده ن سبحانیمیز وار
----------------------------------
دوغرو یولا دعوت ائتدی بشری
یئددیمینجی گؤیه اولدو سفری
بوتون نبی لرین شاهی سروری
محممد تک ماهی تابانیمیز وار
--------------------------------
بانوی عالم دیر گلیب جهانا
کوثر باغلائیب بهشت ده اونا
فاطمه تک اون بیر اماما آنا
اونا قوربان اولان باخ جانیمیز وار
---------------------------------
سنه قوربان اولوم مالک امین
سنین حوکمونده دیر عرش ایله زمین
یئر ایله گؤی بوتون تمامی سنین
علی کیمی شاهی مردانیمیز وار
--------------------------------
حسن دیر دونیادا شوکته چاتان
اودا یانماز اونون یولونو توتان
عاشورا گونونده قانینا باتان
حسین ائیله بیزیم پیمانیمیز وار
-------------------------------
سججاد عابدلرین باشی دیر یعنی
نئچه ایللر خسته اولوب بدنی
باقر کیمی علمین دولو معدنی
صادق کیمی علمی عمانیمیز وار
------------------------------
موسی کاظم ده غمله دولوبدور
زندانلاردا اونون رنگی سولوبدور
امام رضا طوسدا غریب اولوبدور
درگاهینا اونون قوربانیمیز وار
------------------------------
شاه تقی شاه نقی شاه اولیادیر
او حسن عسکری موشکول گشادیر
محممد» دئیرکی درده دوادیر
صاحب الزمانا ایمانیمیز وار
------------------------------
آشیق گرگرلی محممد
بو مطلب عیناً از وبلاگ کئفیلی اسکندر برداشت شده است