باغلاساندا قاپینی

باری گه ل آرخاسینا.

سنه دئمه لی سؤزوم

دوشوب دیل آرخاسینا.

 ×××

گؤل اولدون، قیراق اولدوم

من سندن ایراق اولدوم

ساچینا داراق اولدوم

آتدین تئل آرخاسینا.

 ×××

اؤتوب، اؤتوشمه ییمیز

بیتیب، بیتیشمه ییمیز

بیزیم یئتیشمه ییمیز

قالدی ایل آرخاسینا.

 ×××××

یاشام آغاجینی

 ××××

یارپاقلاریمی تؤکدولر

بوتاقلاریمی دوغرادیلار

گؤوده می کسدیلر تورپاق اوزه ریندن!

سن منی گؤرمورسن داها!

سن منی تورپاغدا آختاران دئییلسن!

منده کؤکومو گونه شه سرن دئییلم!!