سئوگیلیم!خاوریم *!سون باهار چاغی
اوچوب توکولوردو عومرومون باغی...
حیاتا کوسموشدوم سوزومون ساغی,
ئوزومه ایلک دفه گولن سن اولدون,
شاعیرین قدرینی بیلن سن اولدون.

قاشلارین سورمه سیز,اوزون بویاسیز,
بودور خیالیمدا آرادیغیم قیز,
دیه ره ک نه قده ر سئویندیم,یالنیز,
قیزلارین وفاسی اولماییر دیه,
دوشدوم اوللری اومودسوزلیه.

رنگ آلیب رنگ وئردین عصمتینده ن سن,
حیاتا قایتاردین منی ینی ده ن
او ایلک تصادوفون خیالیلا من,
هفته لر یاشادیم,آیلار یاشادیم.
بیر گون ائوینیزده چکیلدی آدیم.

سن ای باخچالارین,باغلارین باری,
کونلومون سولطانی,قلبیمین یاری,
او گون,قاپینیزا گلدی چوخلاری,
فقط سن دئدین کی , ئولمز صنعتکار,
منیم ئولمز لره محبتیم وار.
بویودو هیکلین گوزومده الان,
توستولو بیر دومان قالخدی باشیمدان,
بیرجه جانیم واردیر, او سنه قوربان,
حقده « ایسته میشم,یاریاق قوشا,
سن ده دئه قوجالاق,قاریاق قوشا.

ایندی خومار-خومار باخان گوزلرین,
سوزولوب-سوزولوب آخان گوزلرین,
روحومدا بیر گونش یاخان گوزلرین,
اولدو صنعتیمین ایلهام اوجاغی,
عومرومون ان گوزه ل,ان خوشباخت چاغی.

بورانلی قیشلاردان چیخمیشام یازا,
کونلوم اویناماییر گونده بیر سازا,
باخیب جمالینا سوز یازا-یازا,
بیرده سویله ییره م یاریاق قوشا,
سنده دئه قوجالاق عقاریاق قوشا.

*خاور , صمد وورغونون حیات یولداشی اولوب.