قادر آلله قره داغدان نه قدر اینجیمیسن ؟
گوندریبسن سویوغی ، رحم ائله خلقه بو گئجه
بیلیسن تیترمه دن بنده لرین گتمیر ائوه
بیر طرفدن یئل اسیر وحشته آرتیر بو گئجه
آنالار باغرینا باسمیش چغران کورپلرین
قوجاغی ایستی دییر تیتریری قول لار بو گئجه
بیر چادر دی هامینین صبحه کیمین سر پناهی
اونودا یئل آلیر الدن گویه قوزور بو گئجه
فیکیریم کتده قالان چولده یاتانلاردا قالیب
قالمادی دیزلره طاقت بو سازاخدان بو گئجه
آغلاما غم لی بولوت آغلاماغین وقتی دییر
گورموسن بی پناه انسلاری آغلیر بو گئجه