دونه جه یین یوللارا کوز دوزدولر

سئوگیمیزده ن بیرجه اووج کول قالار

گوزلریمدن خاطیره لر سوزولر

...گئدیرسن سه گوزلریمی آل آپار

 ××××

آیریلیرسان سیزلامازمی اوره ییم؟

حسرتین,هیجرانین باغریمی یارار,

آغلاماقدان کور اولاجاق گوزلریم

گئدیرسن سه گوزلریمی آل, آپار

 ××××

تنها اوره ییمی یادلار قوواجاق

سئوگی باغیم گوندن-گونه سولاجاق

یوللاریندا گوزوم دونوب قالاجاق

گئدیرسن سه گوزلریمی آل,آپار

 ××××

سن سیزلییه سیرداش کولگه م اولاجاق

تنها اللریمی یه للر توتاجاق

اولسم ده گوزلریم آچیق قالاجاق

گئدیرسن سه گوزلریمی آل,آپار

×××× 

خیالینی کیپریگیمده ن آسارام

اللرینی توتان اولسا یانارام

باشقاسینا باخسان گوزسوز قالارام

گئدیرسن سه گوزلریمی آل,آپار

×××× 

دئمیره م محو اولوب,یوخ اولاجاغام

عومرومه دیره کدین,ییخیلاجاغام

سنلی گونلریمه آغلایاجاغام

گئدیرسن سه گوزلریمی آل,آپار

×××× 

یاتمیرام یوخودا آغلارام دییه

هر سحر هیجرانی دادارام دییه

شکلینه باخماسین کور اولار دییه

گئدیرسن سه گوزلریمی آل,آپار

 ××××

سئودا بیر آغاجمیش,باری حسرتمیش

اییلمه ز غرورو,سئوگی ایه رمیش

اوره ک آغریسینی گوزلر چکه رمیش

گئدیرسن سه گوزلریمی آل,آپار....