اینساندیردونیانین هر یاراشیغی

اینسان سیز بو دونیا نه ییمه گرک؟
معنا باغیشلاییر سونسوز حیاتا
اینسان اوره گینده موقددس دیلک

اینسان سیز بو دونیا بایقوش یوواسی!
اینسانلا قؤیولوب بو تمل داشی
اینساندیر یارادان گؤزللیک لری
اینسانا باغلیدیر دونیانین باشی

اونون دوشونجه سی ، اونون دویغوسو
تاپیر تاپیلمازی ، گئچدیکجه زامان
محو اولار کایینات ، دونیا محو اولار
دونیانی یاشادان اینساندیرٍ ، اینسان

گاهدان
دولاشیرام ، گاهدان چاشیرام
بس نده ن اؤلدورور قارداش ، قارداشی!!!
خیلقه تین ان گؤزل وارلیغی اینسان!
حئیوان تک ییرتارمیش یولدا ، یولداشی؟!!!

اینسان نه دئمک دیر قان توکنلره؟
ییرتیجی اولانماز موقددس اینسان
اینسان لیق آدینی لکه لندیریر
اینسان گئییمینده قان توکن حئیوان!!!

حیاتی چاغیریر گؤزل لیک لره
اینسان دوشونجه سی ، اینسان دویغوسو
اینسانا قایناییر ، اینسانا جوشور
(( شیمشگین)) اوره کده ، هر آن دویغوسو