قیش گؤل آچیر یاز یئرینه.

آغلیما نه گلیب منیم.

قارقا قونور قاز یئرینه .

آغلیما نه گلیب منیم.

 

تپه قالخیر. داغام دئییر.

قارا . اوزو آغام دئییر.

اولو دورور ساغام دئییر.

آغلیما نه گلیب منیم.


تپه قالخیر. داغام دئییر.

قارا . اوزو آغام دئییر.

اولو دورور ساغام دئییر.

آغلیما نه گلیب منیم.

 

قارغا آقا بولبول اسیر.

شیرمئشه ده یئتیم یئسیر.

تولکو توتور سیچان کسیر.

آغلیما نه گلیب منیم.

 

آت دایانیر . اولاق گئدیر.

ساغ آخساییر چولاق گئدیر.

موفته سوزه قولاق گئدیر.

آغلیما نه گلیب منیم.

 

پلنگه سه یریر پیشیک.

گیرمه یه نر گزیر دئشیک.

قورد قویونا چکیر کئشیک.

آغلیما نه گلیب منیم.

 

چوبان دلی کوپک قودوز.

چایدا قوزو یانیر سو سوز.

قزیل باها ایپک اوجوز.

آغلیما نه گلیب منیم.

 

ترسینه فیرلانیر فله ک.

بیر ایکی یه قورور کله ک.

دئو بزه نیر اولور مله ک.

آغلیما نه گلیب منیم.

 

آرزو اوزون عمور یاری.

بوغدا اکن بیچیر داری.

میلچه یه باش اییر آری.

آغلیما نه گلیب منیم.

 

او . اوچویا قورور تله.

قویروغون اوینادیر دله.

کیرپی فیله چاتیر شله.

آغلیما نه گلیب منیم.

 

گؤلده یویوندو توس باغا.

قیراقدا قالدی قورباغا.

کور دوه دیرماشیر داغا.

آغلیما نه گلیب منیم.

 

دام باشینا اوچور تاتین.

یئرده داباق توتوب آتین.

گزیر گؤیون یئددی قاتین.

آغلیما نه گلیب منیم.

 

(موغان اوغلو) باش آتیلیر

گؤزتوکولور قاش آتیلیر.

حقییقته داش آتیلیر.

آغلیما نه گلیب منیم....