تصویری از قوردیان در شب اثر دوست هنرمند صابر سلیمی علمداری

تصویری زیبا از گوردیان در شب توسط صابر سلیمی علمداری

بیر گون میکاییل مشفق -ی رسول رضا ائوینه دعوت ائدیر.خیلی صحبتده ن سونرا سفره یه یئمه ک گتیرنده مشفق گولومسه یه ره ک:
-من عومرومده بو بویوکلوکده قوطاب گورمه میشم-دئدی-آج آدام بونون ایکیسینی گوجله ییه ر.

دوسلار گولوشدولر,رسولون آناسی ایسه دئدی:
-اوغلوم,بو قوطاب دییل,شیرواندا هامی اونا (کته) دییه ر.چوخ دادلی دیر.ایچینده ان عطیرلی گویه رتیلر,بیرده ترشی عوضینه ناردانچا قویموشام.نوش-ی جانلیغلا یه.
مشفق ایلک دفه ائشیتدیگی (کته) , (ناردانچا) سوزلرینی آغزی اوجو تکرار ائتدی.ندنسه بیر آنلیغا خمیر یایان رسولون آناسی و ساج اوزه رینده کته بیشیره ن قایناناسینا باخدی و درینده ن نفس چکدی.بیر پاپیروس یاندیریب ,اوره یینده همیشه لیک غوبار سالمیش بو سوزلری پیچیلدادی:

-گوره سن آنام ساغ اولسایدی...
همن آخشام مشفق ئوزونو خاطیرلامادیغی,سوزونو,صوحبتینی یادا سالا بیلمه دییی ,ایکی یاشیندا ایکن ایتیردییی آناسی"زلیخا" حاققیندا شعرینی یازدی:

آنا دئدیم,اوره ییمه یانار اودلار آچیلدی,

آنا دئدیم,بیر اورپه ریش حاصیل اولدو جانیمدا
آنا دئدیم,قارشیمدا بیر گوزه ل صحنه اچیلدی
آنا دئدیم,فقط اونو گورمز اولدوم یانیمدا.

آنا,آنا...بوکلمه نین وورغونویام ازلده ن,
اونو گوزه ل آنلاتاماز دوشوندویوم سطیرلر,
آنا اولماز بیزه هر بیر "یاوروم"دیه ن گوزه لده ن
چونکو اونون خیلقتینده آیریجا بیر فسون وار.

باشقا عالم یاشامادیم بویله گوزه ل بیچیمده,
اونو کیمسه گوزه للیین جلوه سینده

ادامه را بخوانید ..


باشقا عالم یاشامادیم بویله گوزه ل بیچیمده,
اونو کیمسه گوزه للیین جلوه سینده

یاراتمیش.
آنا,آنا...چیچکلی بیر فیداندیر کی,ایچیمده,
تا ازلده ن کوک سالاراق,اوره ییمده بوی آتمیش

او فیدانی بعضی واقیت ایستیورم چکه ره ک,
قوپاراییم اوره ییمده ن,فقط اوندا وارلیغیم,
سیزیلدارکن,سانکی بیر سس قوپوپ اینجه و تیتره ک,
بیر لسانلا سویلویورکی,-منه دیمه,یازیغام.


چونکی سنی من بسله دیم,من بویوتدوم,اوخشادیم,
سویله دیین سوزلر کی وار بئشیینین اوستونده
اوخودوغوم تورکولرین کولگه سیدیر,اولادیم
منه مخصوص ورق لر وار,هر کتابدا,هر دینده.

نه دوغروسوز یازیبلار کی,گورمه میشم اونو من,
دیورلار کی,مشفق,خسته بیر طفلیدین,آنانی
بابان کیمی سویوق اللر قوجاغینا چکرکن,
یالنیز آجی فغانلارین تیتره دیردی هر یانی.


ایندی منه هر کس:-آنان,بابان وارمی؟-سویله سه,
دیوروم کی,-قاپیلمادان بیر خولیایا,بیر حیسسه,
اولان اولموش,کئچه ن کئچمیش,ایندی منی یاشادان,
بیر مقدس,بیر صمیمی عملیم وار,تاپدیغیم.

ایناندیغیم بیر قبله وار,اودا هر گون,هر زامان,
یورولمایان قوللاریملا,دوشونه ره ک یاپدیغیم,
بیر عالمدیر,بیر عالم کی,سمالاری قیپقیزیل
یوکسه کلری,آلچاقلاری,قیپقیزیل.