آی سیلکه نیب گئده ن یاشیل باش سونا،

سنده ترجیغلا،تئللرگؤرونور.

عاشق اولان سنین کیمی شهبازا،

منیم تک رسوای ائللر ،گؤرونور.

******

یار یارین یولوندا گرک نئیله یه،

باشین ،جانین،مالین قربان ائیله یه،

مئیلین وئره ن سنین کیمی لیلی یه،

مجنون تک مسکنی چؤللر گؤرونور.

******

گئده ن گئتمه بیر بری باخ، آی گئده ن،

گؤزوم دویماز سن تک گؤزه ل کیمسه ده ن،

گاه یاخیندان شعله وئریر آغ بدن،

گاه اولور کی ،نازک اللر گؤرونور

*******

اوخلاییبسان منی ای زیبا صنم ،

نه حاصل،قویمازسان یاراما ملحم،

گئجه خیالینلا اولورام همدم ،

سحر یاستیغیمدا گوللر گؤرونور.

******

ائشیتمزسن "عندلیبین" آهینی،

توتسان بیوفالیق رسم و راهینی،

صدق ایله چاغیرام شاهلار شاهینی،

گؤر نئجه طوفانلار سئللر گؤرونور.