حیدر بابا،گوگلر بوتون دومانـدی

گونلریمیز بیر بیریندن یامـــاندی

بیـر بیریزدن آیریلمایین آمانـــدی

یــاخشیلیــقی الیــمیزدن آلبـــــلار

باخشی بیزی یامان گونه سالیبلار

 

حیدربابا،شیطان بیزی آزدیـریب

محــبتی اورکلـــردن قازدیــریب

قره گونون سرنوشتین یازدیریب

ســالیب خلقی بیربیرینون جانینا

بــاریشیغــــی بـلشدیروب قانینـا 

 

حیدر بابا، یار یولداشلار دوندولـــــر

بیر بیر منی چولده قویوب،چونـدولر

چشمه لــریم ،چراغلاریم،ســوندولــر

یامان یئرده گون دوندی آخشام اولدی

دنیـــا منه خرابه شـــــــــام اولـــــدی

 

قـــاری ننه گئــجه ناغــیل دینـده

کولک قالخیب، قاب باجانی دوینـده

قــورد گــئیچنین شنگلیسین یینــده

من قاییدیب بیرده اوشــاق اولیــدیم

بیر گل آچیب،اوندان سورا سولیدیم

 

حیدر بابا، گــل غنچه سی خنــــداندی

امـــــــا،حیــف، اورک غذاســـی قاندی

زندگانلیق بیـــر قارانلیق زنــــداندی

بیـــــر گوریدیم نه لر گلیب باشیـــنا

بو زندانین دریچـــــه سین آچان یــوخ

بو دارلیقدان بیر قورتولوب قاچان یوخ

 

حیدر بابا،آلچاقلارون کوشک اولسون

بیزدن سورا،قالانلارا عشق اولســـون

کچمیشلردن، گلنلره مشق اولســـون

اولادیــمیز مذهبین دانماسیــــــــن

هر ایچی بوش سوزلره آللانماسون