سن ای منیم آنا یوردوم ، عزیز آذربایجانیم 
بیر باخ ، سنین هوسینله قانات چالیر طرلانیم 
بودورگئنه سنین ایچون حصر اولونور دستانیم 
یاشا منیم یوردوم - یووام ، یاشا عزیز وطنیم 
یاشا آنام ، یاشا آتام ، یاشا منیم مسکنیم 
...
قلم سنین ، دستان سنین ، وارلیق سنین ، جان سنین 
آچ تاریخی ورقله باخ ، شهرت سنین ، شان سنین 
باقرخان تک قهرمانلار ، شانلی ستارخان سنین 
یاشا منیم باغیم ، باغچام ، یاشا منیم گلشنیم 
یاشا آنام ، یاشا وطن ، یاشا منیم مسکنیم 
...
ازل گونده ن سنین ایچون یارانمیشدیر قلمیم 
اگر من بیر پروانه یه م ، سن سن چیراغیم شمعیم 
سن هر زامان یادا دوشسه ن ، آزالیر دردیم غمیم 
سن سیز یقین اوچابیلمه ز گونول طرلانیم منیم 
یاشا آنام ، یاشا وطن ، یاشا منیم مسکنیم

شاعرین تانومورام ولی گؤزه ل شعریدی