نه گؤزل سن

برج لطافتدن اولوب هویدا ،

گئنه مهر رخون ضیالانیبدیر.

هر گؤره نده رعشه دوشر جانیما ،

 مستانه گؤزلرین شهلالانیبدیر .

 ××××××××××

وه – وه نه گؤزه لسن ؤشوخ و نازنین ،

جبینین منور ، زلفین عنبرین ،

 لبین گول غنچه سی ، بوخاغین نسرین،

یاناغین لاله تک حمرالانیبدیر .

××××××××××

بئله ترک ائیله مز سئوه ن سئوه نی

سنی تاری ، یاددان چیخارتما منی ،

 حق بیلیر کی ، نئجه سئومیشم سنی ،

سرویم زلفون کیمی سئودالانیبدیر .

××××××××××

یار،  مهرینی  مندن کسیب سن گئنه،

مرحمت نظرین سالماسان منه ،

 باشین اوچون سنی سئوه ن کیمسنه ،

مجنون کیمی خلقه رسوالانیبدیر

××××××××××

باغ لطافتده گول ایله گزر ،

سرو گؤرسه قدین ، اوج ائتمز اثر

گلشن حسنینه قیلاندا نظر ،

پریشان " عندلیب " نوالانیبدیر