ای بو جهانی خلق ائدن لطف ائله بیر جهانه باخ
جانه گلیبدی بنده لر بیر زادی ائت بهانه، باخ
من بیلیرم یورولماسان دونیا دایانسا دورماسان
... لیک دوشن ایاقیدان بندۀ ناتوانه باخ
گوندوز ایشیق دا جورلوسن، بوینو یوغونلارین ایشین
بوینودا قیل کیمینلرین ایشلرینه شبانه باخ
وار نه قدر بو حالیمیز ، قاره دی روزیگاریمیز
آند ایچیریک یالان سنه بیزده اولان ایمانه باخ
هامی دییرکی من دوزم بیلمیرم اَیری کیمدی بس؟
بیر بئله اَیری ایشلری کیم گورورو، یالانه باخ
اوغرو پیشیک ده کوفته نی یئییر - دییر به بیلمیسین
تئز سیلیر آغزی بورنونو یاغلی دوداق دهانه باخ
صلح سئویرسن آی کیشی قویما نفاق توره لده لر
خلق آراسیندا بیر بئله - فیرتانالارسالانه باخ
اوستونه صافلارین قویان آلتینا زیر زیبیل باسان
چومچه سینی ووران زمان گل بو سوغان ساتانه باخ
سن کی گورورسن آنلیسان یوخ دئمه منده بیلمیرم
دوزگون حساب ایسته سن چوتگیه سال قاپانه باخ
بوردا تمام اولور سؤزوم هاممیسی یوخ بیر آزجاسی
حوصله ن اولسا وئر گولاخ باقی داستانه باخ