قیشین قاراسیندان قورخما اوره ییم

گله جک یاشیل یاز، گلمه میش اولماز.

بو شاخدا، بو سوغوق چکیلیب گئتسه

قونچه لر، چیچکلر گولمه میش اولماز.

 ×××

هر گله ن یولچونون یولون کسیرم

ائشیدم اوندان بیر سؤز، تله سیرم!

یئللر قاباغیندا زاغ - زاغ اسیرم

اوره ک تؤکونتوسون بیلمه میش اولماز.

 ×××

اوره ییمین باشین دلسه ده بئله

ائله سایماز- سایماز گلسه ده بئله

اؤزگه لر له دئییب گولسه ده بئله

گؤرسه گؤز یاشیمی، سیلمه میش اولماز.

رضا دهقان(چنگی)