عشق جامیندان ایچن کیمسنه هوشیار اولماز،
نه بو دونیاده، قیامتده ده بیدار اولماز.

قورخو بیلمز، ائله مز شاه و گدادن پروا،
مست- مستانه گزر، کاغذ و تومار اولماز.

بوتۀ هیجرده بولبول کیمی افغانه گلیر،
قئیس بیچاره کیمی وصله خریدار اولماز.

ترک ائدر لذت دونیانی، کئچر جانیندان،
سکنی داغ قیلار، طالب دینار اولماز.

گؤسترر مهرو وفا یارینه، گؤردوکجه جفا،
ذلتی فخر بیلر، زره جه بیزار اولماز.

آلیشی شمع، کیمی، اودلاشی پروانه کیمی،
جان وئرر یاره، نباتی کیمی بی عار اولماز
 (ابوالقاسم نباتی)