زیبا خانم لعلی 

– اون دوققوزونجی عصرین ایکنجی یارسیندا اردبیلده یاشامیشدیر. زمانه سی نین سوادلی و مترقی قادین لارینداندیر. ایرواندا و شوشادا اولموش، فاطماخانیم، کمینه گهر بیم، قمر بیم، و شیدا ایله تانیشلغی واریمیش. اونلارلا شعرلرشیب

آغام جانی 

 پریشان ائیله سم زولفی پریشانی آغام جانی

 پریشان ائیلرم مجموع دونیانی آغام جان

خیالی وصیلمه هر کیم دوشه جانین ده ن ال چکسین

بو سؤدایه دوشن ترک ائیله سین جانی آغام جانی

 اگر طوره تجلا ائیله سم بو آب و تابیله

شعاع رویم ائیلر محو، بو دونیانی آغام جانی

 آدیم زیبا سوزوم شیرین شکر و گؤزلریم شهلا

فراموش ائیله یب حسنوم زلیخانی آغام جانی

سنین تک عاشیق معشوق یوخ لعلی بو عالمده

غم و عاشقلری عشقین ائدیب فانی آغام جانی