گرک اولسون منیم
نازلی نیگاریم گرک اولسون منیم
چشم خماریم گرک اولسون منیم
وار هرنین بیر دیلکی تانری دان
... سوگیلی یاریم گرک اولسون منیم
سومه لی بیر زولفو قارا ایسته رم
دار و نداریم گرک اولسون منیم
ئولمه یه ده سوگیلیمین ساچ لاری
چکمگه داریم گرک اولسون منیم
ایگیرمی یاشیم وار هله یوخ سوگیلیم
صبر و قراریم گرک اولسون منیم؟ !
چاتماسا عومروم گدم اول کویینه
اوردا مزاریم گرک اولسون منیم
عیبی یوخ ار اولماسا یاریم اما
گویده کی تاریم گرک اولسون منیم !
امید الهامی علمداری