سن گلیردین،قاپی سسلندی کولان چیرپیندی

کولک آسقیردی،بولوت شیشدی،تیفان چیرپیندی

هؤیول آخشام دولانیب باخدی دالا،کیمدیر بو؟!

باجا قیشقیردی،ساعات یاتدی،زامان چیرپیندی

ساز اورکلندی،یازیق ماهنی دا دیلدن دوشدو

چیخدی سؤز حوصله دن،آخ!بالابان چیرپیندی

گلدی سس سیز اوتوروب وارلیغیما گؤز تیکدی

گؤزگو دیسکیندی،چیراغ سؤنمه ده،جان چیرپیندی

آرالیق قوشمالاریملا اته گین دولدوردوم

آغ گؤرشمکده غزل چیمدی،گومان چیرپیندی

ائله آللاهی چاغیردیم،او سفر سن گئتدین

یوللار اوستونده گونش سؤندو،توران چیرپیندی

گئدر اولسان دا گیلئی لیک،ائله مم،گئتسن گئت!

دئمه ین،گؤر نئجه باغریندا یاران چیرپیندی!

آی خیالیمدا اوچان سئوگی،یالین ایلهامیم

ساغلیغان باده له شیردیک،کی آذان چیرپیندی

منبع :اوچماق آرزوسی