بیلیرم من سنین گؤز یاشلارینی 

دونوب گؤزلرین ده قالان دئییلم    

بیر ملک دونون دا گیریب قوینونا 

سونرا شاهمار کیمی چالان دئییلم 

بیرینه وارام سا بیرینه یوخام 

یوغرولموش خامیریم، یاییلمیش یوخام 

من هر وعده سیله بیر طالعی ییخان 

حقیقت گئییملی یالان دئییلم 

قونسان کیپریگیمه بیر ژاله کیمی 

کؤچسن ده قلبیمه بیر ناله کیمی 

من سنی بیر دولو پییاله کیمی 

گؤتوروب الیمدن سالان دئییلم 

هر عشقین یولو وار، هر عؤمرون یاری 

یئری یئری بو اومیدلر یولون دا یاری 

داها نه گیزلگیم چالینمیش تاری  

کوهلیین دئییلم، چالان دئییلم