گینه غربته گویول گوردی قارانلوق قفسی...

گرگری یاده سالوب قاچدی اورک حوصله سی
ایستدی تا کی اوزون قورتارا بو زندانان ...

ضربه ووردی قفسه سیندی اونون بیرپایاسی
گلدی پروازه اوچوب ائوز چووریب یورداساری...

تا یتیشدی وطنه اوندا آچولدی نفسی
شوقیلن قوندی او ساعت نشانون باشونا...

گوردی اوردان گوروشور گرگرین امامزاداسی
باخدی اوردان وطنین باغلارونا شاد اولدی ...

گوردی بیرسس گلیری آلدی قولاغی سوسسی
دئدی بو سو سسی هاردان گلیری دقت ادیب...

بولدی تورگان سویودی یادا کی چخ چخ دره سی
اندی اوردان اوتوروب کل تپه نین اوستونده ...

چوخ قدیم تاریخی وار گرگرین او کل تپه سی
گجه گتدی گونوز اولدی باخوب اطرافه...

گوردی بیر بیر گلیری ائلرینین زمزمه سی
گوردی گرگرله علمدار قاروشوب بیربیرینه...

ایکی سی باهم اولوب یوخدی آرا فاصله سی
بولدی آزاد یاشویور ائلریمیر منطقه ده...

او زمان خوشحال اولوب یاددان آپاردی قفسی
چخدی اوردان کنارا یارما دوشی دئدی گوزه...

گوردی اوردان گلیری آرواد اوشاق ولوله سی
باخدی گوردی هامی ائلر سیه پوش اولونوب...

دئدیلر ائولدی دونن میرجواد حیدر نوه سی
چوندی گوردی کی بیر آرواد بالا وای چاغورور...

گوردی اوچ گوندی ائلوب کامران عبادون بالاسی
هوسی ائدی نه گوزل یاتمالودور یارما دوشی...

چون همیشه گلجاق ائلرینین فاتحه سی
یاتماقا یارما دوشی میررحیمه لذتی وار...

گرگری گرگره گت اوردا چک آخر نفسی