سنین درد فراقیندان کونول بیر چشمه قان اؤلدو

گلیب طغیانه بیر سئل تک ایکی گؤزدن روان اؤلو

بیر ایل بوندان قاباق گئتدی آنام دا عرش اعلایه

اشیتدیم گئتدی دلداریم فراق یار عیان اؤلدو ..

نوای نوحه و شیون سحر سسلندی اولردن

بئلیم سیندی ، بوکولدی قامتیم قدیم کمان اؤلو

الیم اسدی ، دیلیم سوسدی ، بؤغولدی بلبل نطقوم

اونوددیم نغمه نیسن سیز ایشیم آه و فغان اؤلدو

بهار عمر قورتولدی داغیلدی، سُؤلدی بستانیم

گولوم سؤلدی بو گلشنده گلستانیم خزان اؤلدی

قیزیل گول لاله تک تک یاندی قرنفل لر الوولاندی

گونش باغدان اوزاقلاندی ، چمن بی باغبان اؤلدی

زیارت اتمه گه یول لار بوتون اؤولاده باغلاندی

اؤغول لار قلبی داغلاندی ، اویم سنسیز ویران اؤلدی

نه دؤیدو گول عذاریندن ،نه بیر شهد کلامیندان

نه تئز گئتدین کناریمدان، بوهجران ناتمام اؤلدی

خرداد 1371 روحی علمداری