گوزه لیم !..

خان دوستی آماندی قویما گلدی
دیداری یاماندی قویما گلدی

وای وای دییه سن بشر دگیل بو؟
بیر شکله اویان تهر دگیل بو
... آللاهی سئورسن ار دگیل بو
اردودی قاباندی قویما گلدی
دیداری یاماندی قویما گلدی

اول گون کی آداخلادیز اوتاندیم
اوغلاندی ارین دئدیز ایناندیم
ار بویله اولورموش ایندی قاندیم
خان دوستی آماندی قویما گلدی
کرداری یاماندی قویما گلدی

قورخدوم آی آمان یاریلدی باغریم
بیر نازیک ایپه ساریلدی باغریم
گوپ -گوپ دویونوب داریلدی باغریم
جانیم اودا یاندی قویما گلدی
کرداری یاماندی قویما گلدی

دودکش کیمی بیر پاپاخ باشیندا
آغ توکلری بللی دیر قاشیندا
گرچی قوجادیر بابام یاشیندا
اما سوراغاندی قویما گلدی
کرداری یاماندی قویما گلدی

ایرگنمیشم آغزینین سویوندان
قطران قوخوسی گلیر بویوندان
لاپ دوغروسی قورخموشام خویوندان
بیر افعی ایلاندی قویما گلدی
کرداری یاماندی قویما گلدی

شعر:میرزه علی اکبر صابیر

/ 0 نظر / 31 بازدید