آدمی آدم ائیله ین پارادیر پارا !

یحیی شیدا اشعار ترکی بزبان طنزی دارد که درد بی درمان آدمی و جامعه را بیان می کند :

ای اولان هر درد بی درمانه ؛ درمان اسکناس
اهل دونیانی قویان شانینده حئیران اسکناس

مذهبین ؛ دینین وئرر باده ؛ گوزه ل شکلین گوره ن
پول سئوه ن اشخاصه سنسن دین و ایمان اسکناس

هر گوزه لده رسمدیر عالمده بیر نقصان اولار
یوخ سنین حسنونده آمما ذره نقصان اسکناس

سندن اوترو باش وئرهر عاشقلرین ؛ جاندان کئچر
مرحبا بو حسنونه ؛ ای مایهء جان اسکناس

بی شرافتلر تاپیپ سنله شرافت بو زامان
ای شرافت معدنی ؛ ای کان وجدان اسکناس

ماهرو ؛ غنچه دهن ؛ سر و سهی اندام لر
حسرتین دلدن چکر هر لحظه ؛ هر آن اسکناس

هر کسین اولسان جیبینده ؛ خلق اونا تعظیم ائدر
آنلاماز اولسا ؛ اولار لقمان دوران اسکناس

خوشقدم سن ؛ هر یئره قویسان قدم آباد اولار
اوز چئویرسن ؛ ائیله سن دونیانی ویران اسکناس

بو جسارت کیمده وار؛ سنسیز عمارت سالدیرا
یئددی - سگگیز مرتبه تالار و ایوان اسکناس

رستم دستان گوره نمز ؛ سن گوره ن بو ایشلری
فتنه وه عاجیز قالار ؛ سام نریمان اسکناس

صلح سنسن ؛ جنگ سنسن ؛ غالب و مغلوب سن
درس آلا سندن گرک هر ایشده شیطان اسکناس

بینوالر باغرینی غنچه کیمی قان اائیله دین
ای ِِآدی ظاهرده پول ؛ ماهیتی قان اسکناس

شعر استاد شیدا

/ 2 نظر / 24 بازدید
عافیت شرفخانه

سلام ضمن تشکر از مدیر سایت به جهت معرفی شعرای خطه آذربایجان انعکاس اشعار بزرگان و ادیبان این دیار اگر عنایت فرمائید از اشعار نغز و پربار استاد بزرگ "ناظرشرفخانه ای" استفاده نمائید . با تشکر میرکاظم عافیت شرفخانه

عافیت شرفخانه

سلام ضمن تشکر از مدیر سایت به جهت معرفی شعرای خطه آذربایجان انعکاس اشعار بزرگان و ادیبان این دیار اگر عنایت فرمائید از اشعار نغز و پربار استاد بزرگ "ناظرشرفخانه ای" استفاده نمائید . با تشکر میرکاظم عافیت شرفخانه