تبریزده "المان"

بیر نفر وار سنین عشقینده یانیر تبریزده

بیر نفر سندن اؤتور خالقی دانیر تبریزده

سؤزوموز ایندی اسیر هر کوچه ده،هر باجادا

گؤر خبرلر نه یامان تئز جالانیر تبریزده

سینم"ارک"این دؤشو تک شان شان اولوبدور سنسیز

اودو کی دردیمی بیر ارک قانیر تبریزده

او قده ر دیلده آدین شهری دولاندیم گئجه لر

سنی حاتتا خیاوانلاردا تانیر تبریزده

هئچ بیلیرسن نه اوچون من گئجه لردن قاچیرام؟!

چون گونش یاتماغیلان درد اویانیر تبریزده

ائله روحوم دولانیر هر سحر آخشام باشینا

سانکی "شمس"این باشینا آی دولانیر تبریزده

قورخورام گؤز ده یه اوندان دی سنه گل دئمیرم

سنه هر گون نئچه عاشیق یارانیر تبریزده

تئل لرین هر گئجه مین یول داراییرسان یوخسا

هر گئجه مین دفه آی پارچالانیر تبریزده

شهریزه نور جالاییرسان،شوکور..."ائلمان"دا هله

عشقینین کؤلگه سینه دالدالانیر تبریزده

/ 5 نظر / 49 بازدید
قاب

واقعا وبلاگ خوبی داری ولی ... !؟ بهتره یه کم جذاب ترشه قالبش پیشنهاد من از این سایت قالب بگیر تازه قرعه کشی روزانه هم داره http://foorush.ir/thems.thtml

قاب

واقعا وبلاگ خوبی داری ولی ... !؟ بهتره یه کم جذاب ترشه قالبش پیشنهاد من از این سایت قالب بگیر تازه قرعه کشی روزانه هم داره http://foorush.ir/thems.thtml

قاب

واقعا وبلاگ خوبی داری ولی ... !؟ بهتره یه کم جذاب ترشه قالبش پیشنهاد من از این سایت قالب بگیر تازه قرعه کشی روزانه هم داره http://foorush.ir/thems.thtml

aydin

سلام یورولمویاسز بیرده اللرینیز آغریماسین... آقا بو شعر قره داغن جوان شاعیری (سینا قره داغلی) قارداشیمیز دان دی بو شعری سایتینیز دا یایین بو شاعیریمیزین تانینماسینا یاردیمجی اولاغ! یاتیب هامی گجه دیربیراویاخ منم واوزوم، سینیخ قلمله دییردردین آغلاییر کونلوم. نه دردی وارونه غمی باش آتیب یاتیب تانری، گجه یله دفتری مین یول واراغلاییرکونلوم. زامان یلی آپاران گونلرین یازینتی سینی، واراغلارایچره گزرکن سوراغلاییرکونلوم. یادیندادی اوگجه سرچه لرده شاهیدیدی، سینان اوعهدینه ایندی قان آغلاییرکونلوم. گونشله باش باشاقویموش خیالداهرگجه نی، هایفلارایندی قارانلیق قوجاقلاییرکونلوم. نه اکمیشیدی اوشاقلیقداسوگی تارلاسینا، کی ایندی یانقیلی حسرت اوراغلاییرکونلوم. سیناقاراداغلی. چوخ ساغولون

azam

سالام هر یئرده داغلاری یاشیل گؤرموشم آراز کناریندا ساری دی داغلار اوخودوم گؤزلدی یازان اللر وار اؤلسون ...[گل]