نوحه محرم

معابرده صف چکنلره باخ

سینه زنلره باخ سینه داغلولار

دوشوب شیعه بحر درد و غمه

مسجده علمه قاره باغلولار

سالوب یاده فاطمه بالاسین

قلبینون یاراسین باهم آغلولار

دیور زهرا جان یارالی بالا

شاه ملک ولا یاسی باشلاندی

محرم گلدی عزا گلدی

یره گوگلردن صدا گلدی

یا حسین مظلوم(2)

ورور باشه عاشقان علی

شیعیان علی بو مصیبتده

علی سسلور سیندی بال و پریم

اودلانوب جگریم نار محنتده

چخوب عرشه سوز آه حسین

خیمه‌گاه حسین یاندی غارتده

امان ای دل ایله آه و نوا

چون ولی خدا یاسی باشلاندی

محرم گلدی عزا گلدی

یره گوگلردن صدا گلدی

یا حسین مظلوم(2)

بو آیدا هر کیم نوایه گله

آه و وایه گله خوار و زار اولماز

قیامتده اعتباره چاتار

افتخاره چاتار اشگبار اولماز

ئولن وقته صاق صولا دولانوب

نار هجره یانوب انتظار اولماز

گوزوم آغلا یاری ایله رضا

چون شفیع جزا یاسی باشلاندی

محرم گلدی عزا گلدی

یره گوگلردن صدا گلدی

یا حسین مظلوم(2)

مناجات کلامی، حاج ولی الله کلامی زنجانی

/ 1 نظر / 22 بازدید
احسان

سلام دوست عزیز وبلاگ خیلی جالبی دارید. من مطالبتون رو خواندم عالی بود. ممنون میشم به وبلاگ منم سربزنی و تبادل لینک کنیم.